29‏/10‏/2013

شنطة شيك لبنتي من بنطلونها القديم

بسم الله الرحمن الرحيم


الفكرة اليوم عبارة عن تحوير بنطلون قديم وتجديده على شكل شنطة

وقصة الفكرة ...
كان ياما كان 
كان عند بنتي سلمى زمان
بنطلون بتحبه جدا
وبتحب تلبسه في كل وقت وأدان
ولما البنطلون صغر عليها زعلت اوي وقالت لي شوفيلي حل يا ماما
انا عاوزة استغل بنطلوني في أي فكرة بس لازم يكون جنان
قلت خلاص متزعليش هعملهولك شنطة جميلة وتخرجي بيها كمان
ولما رجعت من المدرسة  فتحت دولابها لقت الشنطة في وشها متعلقة
للأسف أصبها جنان 
^_^

أهم شيء تعجبكم إنتم 
دا شكل الشنطة النهائي


وياللا بينا نعرف الخطوات


الخطوات

دا البنطلون قبل التعديل



هنا طبقته بالطول وبدأت أقص من المستوى اللي عاجبني
اهم شيء عندي كان الجزء العلوي من البنطلون


بعد القص فتحته بالطريقة دي وبدأت اقص حجر البنطلون وافصله عن بعضه



ومن الخلف قصيته لكن مش للآخر
قصيت المنطقة بتاعت الحردة بس


ومن الأمام بنفس الطريقة



هنا فصلت الجيب ده عن البنطلون لإني هستخدمه في شيء تاني


هنا قصيت قطعة من قماشة البنطلون عشان اركبها بدل اللي اتقصت



هنا بدأت اخيطها من الخلف والامام



من الخلف عملت القطعة جيب
اما من الامام حبيت يكون عليها تطريز بسيط على المكنة



إختارت الغرزة دي




ودا كان شكل الغرزة بعد التطبيق


هنا بدأت أظبط حردة اسفل البنطلون بعد قصها من قبل وخياطتها 





هنا شكلها بعد الخياطة بنفس الغرزة



ودا شكلها من الخلف بعد خياطتها بنفس الطريقة



وبعدها خيطت الشنطة من اسفل خياطة عادية
ودلوقتي هبدأ في عمل بطانة الشنطة الداخلية وتركيب السوستة بها



بدأت أخيط البطانة الداخلية للشنطة على حسب مقاس الشنطة
خيطتها من الجناب خياطة عادية



هنا بدأت أخيط جيب داخلي للشنطة ليوضع فيه الموبايل



يتم وضع البطانة الداخلية بهذا الشكل




هنا بدأت أركب السوستة مع البطانة بغرزة السراجة عشان تتظبط معايا افضل 
ونراعي عند التركيب هذا الترتيب 
القطعة الاساسية لجسم الشنطة ووراها السوستة وبعدها البطانة




هنا بدأت في تركيب يد الشنطة 
كانت متوفرة عندي ضمن قطع ملحقة بشنطة أخرى جديدة



هنا قصيت قطعة من عروات الحزام وبدأت ادخلها في الحلقة لتركيب الجانب الآخر من يد الشنطة






وهنا أخيرا الحمد لله وبعد عناء تمت المهمة :)
دا شكلها من الأمام



ودا شكلها من الخلف


أتمنى تكون عجبتكم :)
ولو في اي استفسار عن طريقة العمل ضعوه في التعليقات 
واراكم في فكرة جديدة من افكاري البسيطة

وصل اللهم وسلم وبارك على سيدنا محمد وعلى لآله وصحبه أجمعين

هناك 19 تعليقًا:

  1. رائعه رائعه رائعه تسلم اديكي مشاء الله عقبال ما تصغر كل بنطلونات سلمى وتكبر وتشوفيها عروسه جميله وتعمللنا احنا افكار جميله ^_^

    ردحذف
  2. فكرة جميلة جدا و الشنطة ايضا سلمت يداكي

    ردحذف

كما تنتظرون اعمالي أنتظر رأيكم ودعمكم
فلا تترددوا في ترك بصمتكم هنا ~....

.๑.ترحيب.๑.

أهلا بكم....♥ زواري الكرام.. للعلم فإن جميع مواضيع المدونة مجهودي الشخصي وتصميماتي اليدوية... جعلتها هنا للإستفادة العامة ولا أحلل نقل مواضيعي بدون ذكر المصدر وإرفاق رابط المدونة من باب حفظ الحقوق... شاكرة لكم حسن تفهمكم..♥ smsmia


 

Related Posts Plugin for WordPress, Blogger...

تابعنا وراسلنا

تعليقاتكم تسعدنا ... رأيك هنا