.๑.ترحيب.๑.

أهلا بكم....♥ زواري الكرام.. للعلم فإن جميع مواضيع المدونة مجهودي الشخصي وتصميماتي اليدوية... جعلتها هنا للإستفادة العامة ولا أحلل نقل مواضيعي بدون ذكر المصدر وإرفاق رابط المدونة من باب حفظ الحقوق... شاكرة لكم حسن تفهمكم..♥ smsmia


 

11‏/04‏/2018

إعادة تدوير علب العصير الفارغة بعمل فني جميل

السلام عليكم زوار مدونتي الكرام
النهاردة هحكيلكم حدوتة جدبدة أنا وبنتي سارة
يارب تعجبكم 😂

- ماما
- نعم يا لالا 😊
- أنا عندي كراكيب كتير في المكتبة وعاوزة حامل ليهم من فضلك
- حاضر أفضى بس واعملك😒 
- طب هتعمليه إمتى بس عشان أنا نازلة الدرس؟؟
- 😮 وماله الدرس بالموضوع ...  قولت حاضر شوية كده أروء البيت بس 😐
 
وفضلت كده قاعدالي زي العمل الردي لغاية ما سبت اللي في إيدي ومسكت علب العصير وعملت الأستاذ ده غصباً وقهراً 😕
العيال دول بيستغلوني أسوأ إستغلال على فكرة 😂

دمتم بخير والسلام

29‏/03‏/2018

طريقة عمل ميداليات من الجوخ .... felt

السلام عليكم

زوار مدونتي الكرام
بالتأكيد كل محبين العمل اليدوي متوفر عندهم قماش الجوخ
جميل جدا في التنفيذ والوانه رائعة وبيطلع منه شغلات حلوة ..
النهاردة فكرتي عبارة عن طريقة عمل ميداليات على شكل حروف من الجوخ ومزينة ببعض الخرزات تنفع هدية بسيطة ومعبرة
الطريقة موضحة في الصور
اتمنى تعجبكم


28‏/03‏/2018

ختام أنشطة نصف العام


السلام عليكم زوار مدونتي الكرام
كان يوم جميل لختام انشطة نصف العام بالمركز الاستكشافي بالسويس ... مع أجمل فريق... فريق الانشطة المرحة 
وتكريمهم من قبل المركز بشهادات تقدير تميز تعبهم ومجهودهم بعد اسبوعين من ورش العمل الجميلة اللي استمتعنا بيها وأجمل انتاجهم على الحائط خلفهم  
بجد كان يوم جميل ❤




ودمتم بخير 

Related Posts Plugin for WordPress, Blogger...

شارك معنا...

تابعنا وراسلنا