14‏/06‏/2010

طريقتي في تطريز طرحة زفاف وبدي وايسكارف العروسة ... بالخطوات

بسم الله الرحمن الرحيم
طبعا أكيد كل بنت نفسها تعمل طرحة زفافها
أنا كنت عاملة وانا لسة بنوتة طرحة زفافي برضه والايسكارف
ان شاء الله النهاردة هعلمكم ازاي تتفننوا في تطريز طرحة الزفاف
والايسكارف والبدي
وغير كدة
ممكن تتعلمي التطريز بالخرز لتظرزي ملابسك السواريه وعباياتك
فن جميل ولمسات مبدعة نحن لسنا في غنى عنها



طبعا بما إني شغالة في المجال ده
بتطلب مني العروسات إني اعمل لها الطرحة والإيسكارف و البدي
حسب شكل الفستان اللي قامت بشراؤه
لإن الفساتين عندنا بتباع بدون طرحة او ايسكارف او بدي
والتطريز ده عملاه ضمن إطار شغلي

دا شكل البدي قبل التطريز
واستخدمت فيه نوعين من الخرز
خرز كسر جوز هند وخرز كسر جانجاه وبعض الفصوص الكريستال باللون التركواز
وطبعا إبرة خرز وخيط رفيع

هنا إبتديت الشغل والمفروض أشتغل شكل وردة
دخلت 5 خرزات في الإبرة وطلعت بالابرة مرة تانية بنفس الموازاه


هنا دخلت للصف الثاني 5 خرزات برضه وخرجت مرة تانية بنفس الموازاه
 وهنا الصف الثالث بنفس الرتم


وهنا الصف الرابع أيضا
وبكدة انا عملت أول ورقة للوردة المطلوبة

نترك مساحة كافية ونكرر العمل
5 خرزات أيضا ليكونوا متساويين في الطول


هنا في الصف التاني
ونكرر العمل اي أن نشتغل 4 ورقات متناسقة


وأصبحت الوردة بهذا الشكلوركبت في المنتصف فص كريستال


هنا أبتديت أملإالفراغات بعمل فروع متطايرة للورد


 وهنا أيضا


وكررت الشغل أيضا على أطراف الأكمام
وأصبح البدي بهذا الشكل الرائع


وبكدة خلصنا الحمد لله تطريز البدي
ندخل بأه على تطريز الطرحة
بسم الله نبدأ

خيط أبيض رفيع
فصوص كريستال
خرز كسر جوز هند وجانجاه


تل كريستال جليتر



حبيت هنا أنوع في الشغل  وعملت فروع
ندخل ب3 خرزات ونطلع بالابرة مائلة


وندخل أيضا 3 خرزات ونطلع بالابرة مائلة






حسب الطول المراد للفرع


هنا دخلت على الجزء التاني للفرع


نكرر العمل في الجزء التاني إالى أن ينتج لدينا هذا الفرع الجميل


ندخل أمامه لكي نعمل الفرع المقابل


نكرر نفس الخطوات السابقة





وهنا خلصت الفرعين متطابقين تماما


هنا جبت الفص الكريستال وابتديت أخيطه في منتصف الفرعين
هو على فكرة فيه اخرام لدخول الابرة  من خلاله


وده شكل الطرحة النهائي الصورة مش ظاهرة اوي بس شكلها رائع


وهنا طرزت الإيسكارف بنفس الطريقة




أتمنى يكون شغلي عجبكم والطريقة تكون  سهلة وواضحة لكم
واتمنى كل بنوتة حلوة تعمل طرحتها بنفسها
بتكون ذكرى جميلة جدااااا
وصلى الله وسلم وبارك على سيدنا محمد
وعلى آله وصحبه وسلم


هناك 14 تعليقًا:

  1. أشكر لكم زيارتكم

    ويبقى التواصل

    ردحذف
  2. اهلا بتواجدك أستاذ معتز
    كم أنا سعيدة بإطلالتك

    ردحذف
  3. بسم الله الرحمن الرحيم

    ماشاء الله تبارك الله

    الله يعطيك العافية خيتو

    ردحذف
  4. أختي الكريمة:
    حوّلت إليكم واجب التاج السلطاني

    ردحذف
  5. شكراااااالك رموسة
    تسلمي حبيبتي نورتيني بطلتك الغالية

    ردحذف
  6. اهلا بك كمونة
    شكراااااالك يا غالية
    اوك ان شاء الله سأتعامل مع الامر
    محبتي

    ردحذف
  7. تسلم ايديكى وعنيكى حبيبتى
    جزاك الله كل خير

    ردحذف
  8. وجزاك اختي المنتقبة
    تسلمي حبيبتي على تواجدك وردك
    انرتي مدونتي يا قمر

    ردحذف
  9. بسم الله ما شاء الله تسلم أيديكى

    ردحذف
  10. جزاك الله خيرا و بارك لك فى عملك و فى اولادك

    ردحذف
  11. اشكرك اننا كنت محتاره بجد

    ردحذف

كما تنتظرون اعمالي أنتظر رأيكم ودعمكم
فلا تترددوا في ترك بصمتكم هنا ~....

.๑.ترحيب.๑.

أهلا بكم....♥ زواري الكرام.. للعلم فإن جميع مواضيع المدونة مجهودي الشخصي وتصميماتي اليدوية... جعلتها هنا للإستفادة العامة ولا أحلل نقل مواضيعي بدون ذكر المصدر وإرفاق رابط المدونة من باب حفظ الحقوق... شاكرة لكم حسن تفهمكم..♥ smsmia


 

Related Posts Plugin for WordPress, Blogger...

تابعنا وراسلنا

تعليقاتكم تسعدنا ... رأيك هنا