بسم الله الرحمن الرحيم
النهاردة فكرتنا من التراث الشعبي المصري الجميل
وهي عبارة عن عروسة جميلة من بقايا الأقمشة
والفكرة النهاردة من ايدين مامتي حبيبتي
بناتي فضلوا يعيطوا ويقولولها.. اعملي لنا عروسة يا نينا ...لغاية ما زهقت وعملت لهم.. العروسة
عارفين !!وهي قاعدة ماسكة الإبرة والخيط والبنات حواليها ..فكرتني بنينتي الله يرحمها ..لما عملت لي عروسة من القماش
كنت فرحانة بيها جداااااا لدرجة اني تركت كل العرايس الجاهزة اللي عندي وفضلت عروسة نينتي هي المفضلة عندي
قلت ياااااااه على الزمن ...دي الأيام بتعيد نفسها بكل حزافيرها :)
معلش اخدتكم لبعييييييد.. اعذروني ^^
ياللا نشوف اللي لحقت اصوره من الخطوات الأخيرة للعروسة ^_^
دا الشكل النهائي للعرايس
بس للعلم يعني انتوا عارفيني لازم اضع لمساتي :)
-- تقاسيم وجه العرايس بالإبرة والخيط دا شغلي انا :))
-- تقاسيم وجه العرايس بالإبرة والخيط دا شغلي انا :))
دي مامتي وهيا قاعدة بتعمل العروسة
وهنا كانت خلصتها خياطة وبتضفر شعرها
هنا جه دوري انا :)
اولا رسمت ملامح الوجه بالقلم وبدأت أخيطه
طبعا العروسة كان شعرها اشقر فعملت العيون والحواجب من الخيط البني
هنا خلصت العيون وبدأت اعمل فم العروسة بلون روز هادي
وطبعا لازم اعملها اكسسوارت :)
ركبت ليها حلق وعقد
دول العروستين بعد الإنتهاء
إيه رأيكم ؟؟
وهنا البنات وهما فرحانين بالعرايس القماش
والله احلى الف مرة من اي عروسة جاهزة
دي كفاية انها من ايد مامتي ربنا يخليهالي يارب
اتمنى الفكرة النهاردة تكون عجبتكم
واراكم في فكرة جديدة إن شاء الله
اراكم على خير
وصل الله وسلم وبارك على سيدنا محمد
ما شاء الله
ردحذفيعطيها العافيه وصحة العمر يارب
ياحلو الجدات " النينات"
وتسلمي على اللمسات الاخيرة رائعة
وهذي الاشياء بتفرح الصغار كثير ،
والله يحفظلك القمورات شايفة الفرحة بعيونهم .. جعلها دايمة يارب
فعلا كانوا فرحانين اوي :)ربنا يخليكي اختي نسائم الورد اشكرك جداااا على تعليقك الجميل وتواجدك حبيبتي ^_^
ردحذفالعاب جميلة ~
ردحذفالله يحفظ لكي الوالدة العزيزة ويخليلك بنوتاتك الحلوات ويحفظهن من كل سوء
حقيقةً عجبتني مدونتك واعمالك الرائعة
بالتوفيق أن شاء الله ... اختك العراقية
تسلمي اختي العراقية نورتي المدونة واتمنى اراكِ دائما عندي :)
حذف