بسم الله الرحمن الرحيم
السلام عليكم جميعا
الحكاية وما فيها إن موما كان عندها تيشيرت مش عاجبني
وليه أكمام طويلة
بس كان قطن صافي وقماشته عجباني
فحبيت أغير شكله
والنتيجة كانت روعة
ياللا نشوف عملت فيه ايه
دا شكل الاستاذ تيشيرت الكئيب
هنا رسمت له خطة عمل محكمة
وهنا قصيت الكم أخيرا وإستريحت منه
وقصيت الاطار السفلى للتيشيرت علشان يكون قصير شوية
واستخدمتهم بعد كدة في عمل اربطة
هنا خططت بالماركة الشرايط اللي هقصها
بأطوال منتظمة
وإبتديت أقصهم إنتظام
وما تقلقوش
مفيش أي خيط هتطلع في الإستخدام
ولا هينسل أبدا
ودي ميزة لجميع الأقطان والجل
هنا قصيت شوية من العرض
علشان كان واسع شوية
وكمان علشان أعمل أخرام في الجوانب
هنا إبتديت بالماركة أعلم مكان الأخرام
وخرمتهم بواسطة سن المقص
وده الشريط اللي كنت قصيته من أسفل التشيشرت
أبتديت أفردة وأمطه علشان يلف على بعضه
واعمل منه أربطة في جوانب التيشيرت اللي خرمتها
وهنا ركبته في الجوانب
وشوفوا أد إيه شكله ملفوف
هنا شديت الاربطة شوية
علشان أعمل كشكشة في الجناب
وهنا جبت خرز علشان أدخله في أطراف الاربطة
وبعد ما دخلت الخرزة عملت عقدة بعدها
علشان الخرزة تكون ثابتة
أما الشرايط اللي قصيتها في أطراف الأكمام وأسفل التيشيرت
أبتديت ابرمها على بعض يمين وشمال
علشان تكون بالشكل ده
ده شكل التيشرت من الجانب
وده شكل التيشيرت النهائي بعد التعديل
إيه رأيكم
أتمنى من الله أن تكون فكرتي النهاردة عجبتكم
وصلى الله وسلم وبارك على سيدنا محمد
الإبداع ليس له حدود .. لبس العافية.
ردحذف(حملة الجسد الواحد)
أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!
صورة الشعار .. في مدونتي كركر .. ويكتبون فوقها ..
(حملة الجـسد الواحـد)
رابط المدونة
http://krkr111.blogspot.com
جعله الله في ميزان حسانتكم .. آمين
تسلمي ام الخلود
ردحذفاهلا بيكي حبيبتي صديقة جديدة للمسات
سعدت بإنضمامك جدا
يسعدني ويشرفني أن أنضم للحملة الرائعة
لكن الرابط لا يعمل
اعيدي ارساله لي يا غالية