.๑.ترحيب.๑.

أهلا بكم....♥ زواري الكرام.. للعلم فإن جميع مواضيع المدونة مجهودي الشخصي وتصميماتي اليدوية... جعلتها هنا للإستفادة العامة ولا أحلل نقل مواضيعي بدون ذكر المصدر وإرفاق رابط المدونة من باب حفظ الحقوق... شاكرة لكم حسن تفهمكم..♥ smsmia


 

06‏/04‏/2014

إفتكاساتي على حائط غرفة بناتي ..... بالخطوات

بسم الله الرحمن الرحيم

فكرت من فترة اني اغير لون الشقة
بعد ما بناتي الصغيرات العزيزات شخبطوا على كل الحيطان وعملوا احلى لوحات
برغم إن اوضتهم فيها سبورة طويلة عريضة
لكن عندهم حرمان بيسيبوا السبورة وبيرسموا على الحيطان
فقلت
لازم يا بت تعمليلهم رسومات كتيييييرة
وكل حيطة غير التانية
عشان ميلاقوش مكان يرسموا فيه غير السبورة
فعملت حيطة مخططة
وحيطة كلها دواير ملونة
والحيطة التالتة  باين منها حتة صغنططة عملتها بأه كوكتيل
ورود على فراشات على دواير على فروع بكل الألوان
ظبتطها يعني وطلعت فيها غلبي 

ودي اللي هعرضها عليكم النهاردة

وبإذن الله المرة الجاية أجيبلكم الرسمة التانية والتالتة كمان 

الرسمة دي بسيطة استخدمت فيها الرسم الكروكي وفرغته على أشعة وعملته اسطمبة 
وكان ده شكله النهائي


ياللا بأه نعرف الخطوات

هنا أول المطاف
رسمت رسم كروكي على ورقة اسكتش عادية 


وحضرت ورقة أشعة قديمة عشان ألصق عليها الرسمة




هنا بدأت أفرغ الرسمة 


وهنا خلصت التفريغ كله ومكانشي سهل طبعا :(



هنا كنت ضربت الألوان
قاعدة الدهان كانت بيضاء عادي
وبدأت أجيب زجاجات الألوان الخاصة بالدهانات وعملت منها ألوان كتير



هنا لصقت الإسطمبة على الحائط
وخللوا بالكم إن الرسمة هتكون متكررة مع تغيير مكانها



هنا جبت قطعة إسفنج ودورتها بالشكل ده وحطيت فيها لون
ولازم تخففي الإسفنجة من الدهان شوية قبل الدق
بإنك تطبطبيها على قطعة خشب أو كارتون قبل ما تحطيها على الحائط عشان متسيلش منك



هنا بدأت أدق بالإسفنجة دقات خفيفة بألوان مختلفة


وكان ده نتيجة العمل الشاق




أتمنى تكون عجبتكم :)

واراكم في فكرة تانية وموضوع آخر
وصلى الله وسلم وبارك على سيدنا محمد

ليست هناك تعليقات:

إرسال تعليق

كما تنتظرون اعمالي أنتظر رأيكم ودعمكم
فلا تترددوا في ترك بصمتكم هنا ~....

Related Posts Plugin for WordPress, Blogger...

شارك معنا...

تابعنا وراسلنا